ساعات بنتوه في الدنيا
بننسى نفسنا ونوصل لاننا بنتعايش مع الحياة .. بدل ما نعيشها !
بننسى إن جوانا طفل كان بيعرف يفرح ! .. لو اديناله فرصة وسمعناه هيعرف فعلا يخلي كل لحظة في حياتنا مختلفة
هيعرف يخلي الحياة تستحق تتعاش :)
عشان كدة قررت أسمعله .. قررت إني لازم كل
فترة أسيبله حق اتخاذ القرار
قررت أفكّر نفسي بيه
الطفل اللي جوايا ..
بيفرح لما يبقى عندي لبس جديد
بيفرح لما يكون اللبس دة فيه جيوب كتير !!
بيفرح لما يبقى عندي جيبة واسعة لما ألف تلف
معايا ويحس إن الدنيا كلها فرحانة
بيفرح لما أتفرج على سيمبا و نيمو و شركة
المرعبين المحدودة !!
بيحب المصاصات جداا
بيحب الشيكولاتة أوي
بيحب يلعب مع أخويا الصغير كورة ويجروا ورا
بعض !
بيحب المغامرات
بيحب لما تيجي على باله حاجة يعملها وميفكرش
ويحسبها كتير ..
بيفرح لما تجيلي هدية مهما كانت بسيطة
بيحب المفاجآت
بيفرح لما ألبس جزمة بكعب وتعمل تك تك :D
بيفرح لحاجات كتير أوي وبسيطة أوي !!
هتلاقيها بتفرق كتير بجد لو قررت تفتكره ..
هتلاقي نفسك فرحت حتى وانت بتفتكر اية بيفرحه !
اقعد اكتب ليست سميها "الطفل اللي جوايا.." واكتب فيها اللي تعرفه دلوقتي وكل ما تكتشف حاجة جديدة زوّدها ..
ومن وقت للتاني بص على الليست دي واختار حاجة
منها واعملها – هتلاقيها بسيطة أوي بس هتفرحك أوي في يوم كنت متضايق فيه
هترجّعك بجد تعيش الحياة ..
تسلم الايادي على الكلمات دي .واللي فعلا كانت محتاجة انها تنقال تتكتب عشان تنشاف .
ReplyDeleteولية صحيح افتكرنا فجأة ان الطفل اللي جوانا مات . مع انه عمره ما مات . احنا بس اللي دفناه . كل ما يجي يخرج ندوس عليه تاني وندفنة . ونقولة خلاص مابقاش ليك مكان .
كل ما يجي يتكلم نخرسة . يقوم نوقعة نكسرة .
طفل دايم بيتنطط جوانا ، يرقص ، فرحان دايما بيضحك . طفل قلبة اكبر مننا . حتى انه اعقل مننا .
لية صحيح صنعنا لنفسنا قيود وربطنا نفسنا بيها . عملنا لنفسنا قوانين وقواعد ومشينا عليها .
حبسنا نفسنا في زنزانة من صنع ادينا .
فعلا ( الطفل اللي جوايا لازم يعيش ، لازم ياخد حقة في اتخاذ القرار )
تحياتي وتقبلي مروري
كلامك أضاف لكلامي كتير فعلا ووضحه
Deleteيارب مننساش الطفل دة أبدا ..
شكرا لمرورك :)