من أكتر الحاجات اللي ممكن تضايقنا في الدنيا
إننا منصدقش إن في حاجة وحشة ممكن تحصل !
نعيش متوقعين إننا المفروض نفضل مبسوطين
دايما ..
مين قالك إنها جنة ! مين قالك إنك مش هتتعب
شوية ومش هتضايق شويتين تلاتة ومش هتحس بالإحباط كمان في أوقات !
وهيحصل مواقف هتصدمك في ناس و هيحصل مواقف
هتعلي عندك ناس .. وهتفضل كدة
شوية حاجات حلوة هتحصل ، تخرج منها لحاجات
وحشة و تطلع منها أقوى وتتعلم درس جديد فتوصل لحاجة أحسن ..
ومرة هتزعل عشان حلم ليك ضاع وربنا عشان عارف
إن مفيهوش خير ليك فـ بَعَده عنك وبعدها تعرف إن دة كان الأحسن ..
أصلها "دنيا" !!
فـ ممكن ناخدها بالعكس ..
كل لما تقابلك مشكلة ، افتكر .. الجنة مش
هيبقى فيها مشاكل زي دي
كل لما تحس إنك متضايق ، افتكر .. في الجنة
مش هتضايق كدة
كل لما يقابلك ناس تتصدم فيهم ويوجعوك ،
افتكر .. في الجنة مش هيحصل كدة
فـ توحشك الجنة أكتر ، و تتعب عشان توصلّها
أكتر و أكتر
ولحد ما توصل هناك وعشان متتكسرش لازم تصدق
إن دنيانا عمرها ما هتبقى جنة ..!
